T 112
[1] TIMEO -es -ui, metuere, unde timor -ris, unde timorosus -a -um, et comparatur, et timoratus -a -um, timore plenus, et similiter comparatur. [2] Item a timeo timidus -a -um, qui semper timet, timens vero qui ad tempus formidat ex causa; similiter distinguitur pavidus et pavens, providus et providens, superbus et superbiens, languidus et languens, furibundus et furens et similia; et comparatur, unde hec timiditas -tis. [3] Timeo componitur extimeo -es, pertimeo -es, et est activum cum suis compositis et caret supino et corripit ti-.