S 315
[1] STIGA dicitur stimulus, aculeus, compunctio, incitatio, molestatio, unde dicitur stimulus quasi stigulus, scilicet aculeus, compunctio, incitatio, molestatio, unde stimulosus -a -um, et comparatur. [2] Et hec Stimula, quedam dea stimulorum, et stimulo -as pungere, titillare, incitare, cogere, urgere, infiammare; et componitur instimulo -as, et est activum cum suis compositis. [3] Item a stiga hoc stigma -tis, idest signum, punctum, caracter, cicatrix, coctura, inustio que fìt calido ferro, unde quidam 'stema genus dices, cocturam stigma vocabis, materiam thema: servant genus hec tria neutrum'. Vel stigma a stinguo -is, quod est signo -as, unde stigmaticosus -a -um, et comparatur. [4] Item a stiga stigo -as, idest stimulare, unde instigo -as, valde stigare; quod autem dicitur instigare quasi instinctu agere, ethimologia est et non compositio.
Colonna con sottomenu di navigazione
