S 125
[1] SIGE dicitur silentium vel silere, unde hoc Sigeum, promontorium iuxta Troiam, sic dictum propter Herculis taciturnitatem, quia prohibitus hospitio a Laumedonte simulavit abscessum, et inde contra Troiam venit cum silentio et eam cepit; [2] unde sigeus -a -um, quod quandoque tantum valet quantum troianus -a -um; [3] et per compositionem ennosigeus -a -um, sed hoc superius distinctum est. [4] Item a sige hoc sigalum, quedam annona, quia videtur silere et latere inter alias propter sui vilitatem; [5] unde sigalinus -a -um et sigaliceus -a -um et sigalonius -a -um; [6] unde et terra que tali annona abundat dicitur sigalonia -e.