S 34
[1] Hec SANNA -e, fruncatio naris vel os distortum cum vultu, [2] unde sanniones dicuntur qui rectum vultum non habent; et quia cum deridemus et os solemus distorquere et nasum fruncare, ideo sanna dicitur derisio; Persius (1, 62) 'occipiti ceco postice occurrite sanne'. [3] Unde sanno -as, idest deridere, sed non est in usu, et componitur subsanno -as, idest deridere; unde Psalmista (Vulg. psalm. 2, 4) 'et Dominus subsannabit eos'. [4] Item a sanna hec sannula -le diminutivum et hic sandapila -e, idest scurra; sed hec sandapila feretrum mortuorum, sed aliam habet originem, ut statim dicetur.