R 14
[1] RARUS -a -um, idest non spissus, et comparatur; [2] unde rare -ius -me adverbium et hec raritas -tis et rareo -es -ui, unde raresco -is inchoativum. [3] Item a rarus hic ros -ris, quia rarus est et non spissus ut pluvia; vel rosor dicunt Greci et inde nos dicimus ros; vel ros a ruo, quia ab aere ruat ad terram; [4] unde roscidus -a -um, rore plenus, et hinc roscidulus -a -um diminutivum. [5] Item a ros hic rosculus -li diminutivum, et roridus -a -um, idest roscidus; et per compositionem rorulentus -a -um, idest rore plenus, et hic et hec rorigena -e, rore natus. [6] Item a ros roro -as, idest rorem emittere vel stillare vel aspergere ad modum roris, unde irroro -as, aspergere, infundere. Roro pro rorem emittere vel stillare neutrum est, sed pro aspergere activum est cum suis compositis, et producit hanc sillabam ro-, [7] Item a rarus hoc rastrum et pluraliter hii rastri, instrumentum rusticorum, scilicet fossorium duplex, ut dicunt; et dicitur sic a raritate dentium, vel a rado quia terram radit. Rastrum etiam dicitur aliud instrumentum rusticorum dentatum quo paleam removent a granis. [8] Unde hoc rastellum diminutivum.
Colonna con sottomenu di navigazione
