P 164
[1] PROSON grece, latine dicitur longum, productum vel prolixum vel rectum; [2] unde prosus -a -um, longus et productus et prolixus, et proso -as, producere, [3] et hec prosa -e, oratio producta et a lege metri soluta, quasi a prolixitate verborum, quia non coartatur numero pedum vel sillabarum, sed in longum pro voluntate producitur; [4] vel prosa quasi profusa, vel quasi prorua, quia proruat spatiose et excurrat nullo termino sibi prefìxo; [5] unde hec prosula diminutivum; [6] et prosaicus -a -um, unde prosaico -as, prosaice scribere vel dictare. [7] Prosa componitur prosimetricus -a -um, idest constans ex metro et prosa. [8] Item a proson hoc prosineum, idest funis quo navis alligatur in littore ad palum, quia sit longus.
Colonna con sottomenu di navigazione
