P 160
[1]PROMO -is prompsi, idest proferre, manifestare, aperire, extrahere, ore dicere, [2] unde promptus -a -um, idest paratus et expeditus ad aliquid agendum vel dicendum, et comparatur -or -mus; [3] unde prompte -ius -me adverbium, et promptulus -a -um, aliquantulum promptus; [4] et hoc promptuarium, idest cellarium, quia in eo necessaria victui ponuntur; unde in Psalmo (143, 13) 'promptuaria eorum piena'; et est promptuarium longi temporis, sed cellarium paucorum dierum. [5] Item a promo hic promus -mi, idest cellarium, et ponitur quandoque pro custode ipsius promi; Oratius 'non biberis diruta foris est promus et atrum'. [6] Promptus componitur perpromptus, idest valde promptus. [7] Item a promo hic promptus -tus, idest apertio, [8] et per compositionem inpromptu, idest in aperto, sed magis prepositio est per appositionem et non per compositionem. [9] Item a promo promulgo -gas, manifestare, pronuntiare, [10] et hic promulcus -ci, funis cum quo navis deducitur vel scapha que maiorem navem ducit et regit; [11] unde promulco -as, navem ducere, et proprie cum promulco. [12] Promo componitur depromo -is, valde promere, expromo -is, extra vel valde promere; et est activum cum omnibus suis compositis et producit hanc sillabam, scilicet pro-.
Colonna con sottomenu di navigazione
