P 152
[1] PRIVO -as, idest fraudare, alienare, subtrahere, removere, privatum facere; [2] unde privatus -a -um, alienatus ab aliquibus rebus vel honore et dignitate, unde et olim privati dicebantur ab officiis publicis extranei: est enim nomen magistratum habenti contrarium; [3] et privus -a -um, idest privatus vel proprius, [4] et componitur hoc privilegium, idest lex privata et singularis, que ad unum pertinet vel ad paucos, et privilegium dicitur prerogativa vel honor singularis vel propria presumptio; dicitur etiam privilegium quod iure debetur et benefìcium quod a principibus conceditur; [5] unde privilegiatus -a -um et privilegiarius -a -um, prerogatus vel qui utitur privilegio, [6] et privilegio -as, prerogare, privilegiatum facere.
Colonna con sottomenu di navigazione
