P 63
[1] Hoc PENNUM dicebant antiqui acutum, unde hoc pennum dicitur acumen vel extremitas ferri acuti; sed penne avium sunt et pinne murorum et templorum vel etiam cuiuslibet rei summitas; [2] et a pennum hec penna -e, vel a pendeo, ut diximus. [3] Et pennum componitur cum bis et dicitur hec bipennis -nis, idest dolabrum, quia habeat duas acutiones, scilicet ante et retro; et hic et hec bipennis -e invenitur mobiliter declinatum. [4] Item a pennum hec pennula -e, summa pars auris ab acumine dieta.