P 17
[1] PAPE, interiectio admirantis; unde papa, idest admirabilis; quod autem dicitur papa quasi pater patrum, ethimologia est; [2] et hinc hic et hec papalis -le et hic papatus -tus. [3] Item a pape et hec Papia -e, admirabilis civitas; unde papiensis -e. [4] Item a pape, hic papilio -nis, quedam avicula que in suo adventu admirationem meretur; unde papiliones dicuntur tentoria a similitudine illius avicule volantis; hee avicule lumine accenso conveniunt et circa volantes ab igne proxime inferire coguntur.