O 56
[1] OUM dicunt Greci, et interposta u consonante inde nos dicimus hoc ovum. [2] Vel dicitur ovum quasi uvum ab uva, quia sit uvidum sicut uva, quia, sicut uva exterius sicca est et interius humida, similiter ovum exterius siccum est et interius humidum. [3] Unde hoc ovulum -li diminutivum, et hoc oviculum, similiter diminutivum, [4] et ovo -as, idest letari, et est proprie victorum et est tractum a pueris qui tunc letantur cum eis dantur ova; [5] unde ovanter et ovatim adverbia, et ovatio -nis, letitia et exultatio victorum, scilicet que exhibetur quasi triumphus victoribus; [6] et ovatizo -as et hoc ovale -lis, corona que propter pugnarti datur victoribus.