O 55
[1] Hoc OTIUM, idest quies, securitas; sed otium corporis est, quies animi. [2] Unde hoc otiolum diminutivum, et otiosus -a -um, quietus, securus, otio vacans, nichil operans, inutilis; [3] unde verbum dicitur otiosum, inutile, quod sine causa et utilitate dicitur; unde 'de omni verbo otioso reddetis rationem'; et comparatur; unde otiose -sius -sime adverbium, et hec otiositas -tis. [4] Item ab otium otior -aris, otio vacare, unde otiabundus -a -um, idest otiosus vel similis otianti. [5] Otium componitur hoc negotium, sed de hoc superius diximus.