M 117
[1] MISCEO -es -cui mixtum ad mixturam pertinet; et miscere, idest potare, vinum prebere, et est tractum inde quia antiqui miscebant calida frigidis et frigida calidis in calice, unde calix dictus est a calida potione, sicut nos adhuc miscemus aquam vino et e contrario. [2] Et hinc mixtim adverbium, et mixtus -tus et mixticius -a -um et hec mixtura -e et hoc miscillum -li, commixtio diversarum vocum; Martianus Capella 'miscilla sacre dum feruntur curie'; [3] et miscellanus -a -um et miscellaneus -a -um in eodem sensu, idest mixtus; [4] unde hoc miscellaneum, commixtum, ut cibus gladiatorum ex diversis commixtus; vel miscellaneum dicitur vas in quo prandia gladiatorum commiscebantur; Iuvenalis (11, 20) Tictile sic veniunt ad miscellanea ludi'. [5] Item a misceo hic miscelilo -nis, qui novit artem diversos potus vel cibos miscendi. [6] Misceo componitur admisceo -es -ui, unde admixtim et admiscuus -a -um; [7] commisceo -es -ui, idest simul miscere, unde commixtim et commiscuus -a -um, commixtus, et hec commixtura -e; [8] immisceo -es -ui, unde immixtim et immiscuus -a -um; intermisceo -es -cui; permisceo -es -cui, unde permixtim et permiscuus -a -um; [9] promisceo -es -cui, a procul vel ante vel pro aliquo miscere, unde promixtim et promiscuus -a -um, idest mixtus, unde promiscuum genus dicitur, cum sub uno articulo animai utriusque sexus mixtim denotatur; remisceo -es -cui. [10] Misceo et eius composita faciunt preteritum in -scui et supinum in -xtum et omnia sunt activa; sed secundum illam signifìcationem secundum quam pertinent ad potationem vel administrationem vini neutra sunt.
Colonna con sottomenu di navigazione
