M 33
[1] MARCEO -es -ui, idest putrere, et est florum; [2] unde marcidus -a -um, et comparatur, unde marciditas et marcidulus -a -um, aliquantulum marcidus, et marcido -as, idest marcidum facete, et est activum. [3] Item a marceo hic marcor -ris, idest marciditas, unde marcorosus -a -um, plenus marcore. [4] Item a marceo marcesco -is inchoativum, unde hic et hec marcescibilis -le, putrescibilis, unde marcescibiliter et hec marcescibilitas -tis, et per compositionem immarcescibilis -le, immarcescibiliter, immarcescibilitas. [5] Item a marceo hic mucus -ci, idest putredo in pane ex vetustate proveniens, et dicitur mucus quasi marcus; [6] unde hic mucor -ris, idem; sed proprie mucus in pane, mucor in vino vel aqua, scilicet mufa vini; unde in legibus (Ulp. dig. 18, 6, 4) 'neque acorem neque mucorem'; [7] et hinc mucorosus -a -um, sed a mucus mucidus -a -um; Iuvenalis 'vix fractum solide iam mucida frustra farine'; unde mucido -as, mucidum facere, et est activum. [8] Item a marceo hic muscus, quedam herba vel potius quedam lanugo circa arbores et in fontibus crescens; unde Virgilius (ecl. 6, 62-63) tum Phetontiadas musco circumdat amare corticis'; [9] et hinc muscosus -a -um, musco plenus et coopertus; unde Virgilius (ecl. 7, 45) 'muscosi fontes et somno mollior herba'; et comparatur; unde hec muscositas -tis. [10] Marceo componitur commarceo -es, dimarceo, emarceo, permarceo, remarceo, a quibus inchoativa. Marceo cum omnibus suis compositis est neutrum et caret supino et facit preteritum in -cui.
Colonna con sottomenu di navigazione
