M 27
[1] MANEO -es -si -sum, idest morati; et manere, idest expectare, et secundum hoc construitur cum accusativo; [2] unde hec mansio -nis et hinc hec mansiuncula et mansionarius -a -um, idest manens vel ad mansionem pertinens, [3] et manso -as frequentativum, a quo mansito -as, aliud frequentativum, unde hoc mansitorium, locus aptus ad manendum. [4] Maneo componitur commaneo -es, permaneo, remaneo. I5] Item componitur emineo -es -ui, idest extra manere, apparere, superincumbere, superstare; [6] unde eminens -tis, et comparatur -or -mus; unde eminenter -tius -me adverbium, et hec eminentia -e, [7] et eminulus -a -um, idest aliquantulum eminens; unde Prudentius in libro Ymnorum 'si modicum salis eminulis digitis tangere virgo velis'. [8] Item ab emineo hic mons -tis, quia emineat, vel derivabitur postea a munio vel moveo. [9] Item emineo componitur superemineo -es, idest prevalere, preesse, prestare vel precellere, et inde supereminens -tis, et comparatur; unde hec supereminentia -e. [10] Item maneo componitur immineo -es -ui, impendere, ingruere, superstare, instare, presens esse; unde imminens -tis, et comparatur -tior -mus; unde imminenter -tius -me adverbium, et hec imminentia -e. [11] Item componitur cum pro vel procul et dicitur promineo -es -ui, quasi procul manere et apparere, superstare, preesse; unde prominens -tis, et comparatur; unde hec prominentia -e; [12] premineo -es, supermanere, prevalere, prestare, precellere; unde preminens -tis, et comparatur; unde hec preminentia -e. [13] Maneo cum omnibus suis compositis est neutrum; illa eius composita que retinent litteraturam sui simplicis faciunt preteritum in -si et supinum in -sum; illa vero composita que mutant a simplicis in i faciunt preteritum in -ui et carent supino.
Colonna con sottomenu di navigazione
