G 90
[1] GREGO -as, idest unare, non est in usu, unde hic grex -gis, et differt ab armento, quia armentum est maiorum, ut equorum, bovum, grex minorum, ut caprarum et ovium; unde gregarius -a -um idest de grege, scilicet plebeius et vili genere natus, et gregatim, idest per greges, vel socialiter, communiter, [2] et hic et hec gregalis et hoc -le, idest ignobilis, unde Prudentius in libro Ymnorum 'quem plebs gregalis excolat'. I3] Grex componitur egregius -a -um, idest nobilis, et dicitur egregius quasi extra gregem aliorum, et per suppletionem comparatur egregius magis egregius -simus, et hi ne egregie -ius -sime et hec egregitas et hic et hec et hoc segrex -gis, idest nobilis, quasi seorsum a grege aliorum. [4] Grego componitur aggrego -as; abgrego -as, dissociare; congrego -as, disgrego -as, dispergere; segrego -as, idest separare; et ab istis omnibus verbalia; et aggregatim, idest adunatim, comiter; [5] abgregatim, dispersim; congregatim, disgregastim, segregatim. Grego et eius composita omnia sunt activa et corripiunt hanc sillabam gre-.
Colonna con sottomenu di navigazione
