Quod calvi sint duces exercitus ipsi etiam bellatores doctissimi et robusti
Carmina, clarisonae, calvis cantate, Camenae,Conducunt calvi cuneos certamine claros.
Conpugnant calvi cristati casside coni,
Contorquent, crispant celeres cum caede catervas,
Comprendunt cirros, contundunt calce comatos,
Cuspide confodiunt; capulo concisa corusco
Colla cadunt; celebrant calvi clamore celeuma.
Commotus certare catus certamine calvus
Conculcat, caedit, crinitos cedere cogit,
Captivos captat, captos cervice coartat.