Calvos coenobitas psalmistas grammaticos esse et poetas atque scribas plurimaeque abstinentiae
Carmina, clarisonae, calvis cantate, Camenae.Conplures calvos cogunt castissima castra,
Caelica certatim celebrantes cantica Cristo.
Corpore crine carent, collustrant culmina caeli
Caelica concupiunt, cohibent curare caduca.
Componunt cartas, concinnant carmina clara,
Catholicum canon certum conscribere curant.
Conmulcant carnem, congestant corde calorem
Constantem, castum; communi currere cursu
Contendunt celeres caelique capessere culmen.