Ad Coridonem [carmen CLIX]
Trechete, dique deae, Choridonem stringere vinclis:
A tergo manibus strictus venietque nigellus.
Sic pedibus nexis flagris compingite diris
Rugosum dorsumque comam deponite tetram,
Ac simul et barbam sursum suspendite tonsam;
Post iterum inlusum nimium vos caedite bardum.
Dum recubas solus, hos pellege gutture presso
Atque pudenda simul posthaec tu corrige plura.
Ut valeas, etiam mandant tibi plurime nostri
Codex Grapinus, Gravulfus et ipse Gotendach;
Asclipius nec non Gisulfus prospera dicunt;
Calvellusque tuus, siquidem Marculfus et ille:
Unus enim dicit noster tibi satque valere,
Admonet, ut studeas, alter, humilisque manere.