Nix ruit e caelo, gelidus simul ingruit imber
Nix ruit e caelo, gelidus simul ingruit imber:
Non fuit Albino 'Exspecta paulisper in urbe'
Qui iam dixisset, 'donec pertranseat imber,
Et calido pectus Parnasi fonte refirma'.
Tristis abit senior ieiuno ventre poeta,
Et pueri tristes planxerunt carmine Flaccum.
Frigida quapropter taceat sibi fistula carmen,
Has tantum paucas balbutiat ore camenas:
Carmina non curat David, nec Delia curat.
Dum redeunt iterum calidi bona tempora Phoebi,
Mox pristina redit virtus in carmine Flacco,
Tunc ruet in David Musarum laetior odis,
Tunc pax, vita, salus David, tunc praelia Musis.
Colonna con sottomenu di navigazione
