C 243
[1] CORSA quedam mulier que fuit de Liguria, que, cum taurum ex grege quem prope litora regebat franare solitum et per intervallum corpore auctum remeare videret, cupiens scire pabula sibi incognita, taurum a ceteris digredientem usque ad insulam navigio prosecuta est, cuius regressu, insule fertilitatem cognoscentes, Ligures ratibus illuc profecti sunt et eam nomine mulieris ducis vocaverunt Corsicam; unde corsus -a -um et hic Corsus -si et hec Corsa. [2] Hec insula grece Cirne dicitur, a Cirno fìlio Herculis habitata, unde cirneus -a -um; Virgilius (ecl. 9, 30): 'sic tua cirneas fugiant examina taxos'.