L 101
[1] LUCROR -aris -tus, idest adquirere, unde hoc lucrum, idest adquisitio, et hinc hoc lucellum -li diminutivum, [2] et lucrosus -a -um, plenus lucro; unde Macrobius 'nil ad presens sequendum putaverit nisi quod lucrosum esset'; et comparatur. [3] Item a lucrum lucrativus -a -um, adquisitivus, quod lucratur vel per quod quis lucratur; [4] et hic Lucrinus -ni, quidam lacus sic dictus quia olim propter copiam piscium vectigalia magna prestabat; et hinc lucrinus -a -um. [5] Item lucrum componitur cum facio vel fio et dicitur lucrifacio -is, idest adquirere, et lucrifio -is, idest adquiri. [6] Lucrar componitur collucror -aris, idest simul lucrari, et est deponens cum omnibus compositis suis.
Colonna con sottomenu di navigazione
